摘要：维拉守细波斗韦斯咸尾4嘅阿士东维拉今晚将会作客韦斯咸，维拉今季长时间喺榜下游挣扎，上场藉马莫特查斯古特一箭定江山，主场1比0小胜阿仙奴，暂以较佳得失球差压过同分嘅屈福特，升上联赛榜第17位，暂时逃离降...
维拉守细波斗韦斯咸
尾4嘅阿士东维拉今晚将会作客韦斯咸，维拉今季长时间喺榜下游挣扎，上场藉马莫特查斯古特一箭定江山，主场1比0小胜阿仙奴，暂以较佳得失球差压过同分嘅屈福特，升上联赛榜第17位，暂时逃离降班区域。虽然为护级今场都要搏尽攞晒3分，但维拉为免大意失守，肯定先求稳守，实行睇准机会先出击。
韦斯咸喺莫耶斯主理下嘅下半季赛事，17战其实只得4胜，不过佢哋识得「拣波踢」，最重要之前赢波，大部分被击败都係护级竞争对手，包括般尼茅夫、诺域治及屈福特等，因此「锤仔帮」得以提早上岸，睇得出莫耶斯应付同级球队有一手。睇番往绩，两军过往7次联赛交手全开2球或以下，中位数2.5球细盘值得再追。
