摘要：马体会兵疲吼半场和马略卡新贵久保健英作客遇强马略卡必死守今晚西甲独脚戏，3哥马德里体育会主场迎战马略卡。马体会上仗恶斗巴塞搏得好尽，未回得切气，而且每逢主场遇死守球队，初段总係老鼠拉龟冇碇埋手，半场和...
马体会兵疲吼半场和
马略卡新贵久保健英
作客遇强马略卡必死守
今晚西甲独脚戏，3哥马德里体育会主场迎战马略卡。马体会上仗恶斗巴塞搏得好尽，未回得切气，而且每逢主场遇死守球队，初段总係老鼠拉龟冇碇埋手，半场和不妨追多铺。
前锋表现不稳难破密集
马体会虽有后衞史提芬沙域及中场佐治高基刑满复出，但佢哋喺周中联赛同巴塞隆拿激战一场，喺两度落后下，凭沙奥尼古斯两番操刀12码得手，最终逼和2比2，今季联赛打和次数多达14仗，创下队史喺单季西甲最多和波纪录，耗力甚巨未及回气。
况且「床单兵团」每逢主场出击，大部分客军都会摆铁桶阵，前锋祖奥菲历斯及艾华路莫拉达又表现坚飘忽，初段仲係陷于苦战，虽然近4场联赛主场获3胜1和，不过全开半场和，而且可见佢哋初段冇乜计破密集，要喺易边后先搵到对方破绽。
仍喺下游挣扎嘅马略卡，上仗意外地大胜切尔达5比1，「日本美斯」久保建英更交出2次助攻，以19岁零26日之龄，成为本世纪西甲最年轻单场交出两次助攻嘅外援。不过佢哋係正宗客场虫，今季16场联赛作客13度落败，实力曳爆，作客强敌必定玩死守。近5次造访马体会，亦有4次开半场和，相信初段会处于胶着，宁捧半场和。
