摘要：英超復賽首個快車期爆倫敦打吡，熱刺主場鬥韋斯咸。熱刺停擺期後傷疲盡起，王牌哈利卡尼、中場孫興民及門將洛里斯復出，迪利阿里停賽後可以上陣，兵源充足，有力輕取作客不濟嘅韋斯咸，捧主勝。原本長期養傷嘅哈利卡...
英超復賽首個快車期爆倫敦打吡，熱刺主場鬥韋斯咸。熱刺停擺期後傷疲盡起，王牌哈利卡尼、中場孫興民及門將洛里斯復出，迪利阿里停賽後可以上陣，兵源充足，有力輕取作客不濟嘅韋斯咸，捧主勝。
原本長期養傷嘅哈利卡尼及洛里斯，重開後首仗對曼聯已經上陣，迪利阿里因發表不當言論被罰停賽亦已經刑滿，今場對住「錘仔幫」，領隊摩連奴可以派強陣出擊。經過一場對曼聯1比1嘅激戰之後，熱刺眾將操起狀態，尤其哈利卡尼經過熱身後，相信今場會有更佳表現，貝雲積上場更加打開紀錄，加上佢哋連續兩場主場出擊，唔使舟車勞頓，喺快車賽期相當有利。
舊年11月接手熱刺嘅摩連奴，英聯盃、英足盃同歐聯都已經出局，今季剩低嘅目標係爭歐洲賽資格，如果咁都做唔到，一代名帥顏面何存，今場佢肯定精銳盡出，免得被人口誅筆伐。
韋斯咸作客腳軟
身處護級漩渦嘅韋斯咸極需要搶分，但佢哋上輪主場都不敵狼隊0比2，好彩喺佢下面3隊般尼茅夫、阿士東維拉同諾域治齊齊輸波。不過，作客一向係「錘仔幫」死穴，韋斯咸近6場聯賽作客全敗，之前作客先後不敵曼城、利物浦及阿仙奴，今仗又要對另一支前列球隊熱刺，要搶分真係難過登天，熱刺個Ｗ相信會愈買愈熱，有買趁手。
