摘要：艾拉维斯残阵遇皇苏等劏周五凌晨西甲头场对决，艾拉维斯地头出击迎战皇家苏斯达。艾拉维斯阵中多位主力缺阵，抢分能力冇保证，呢场对住要力保前4席位嘅皇苏，难逃输波命运，捧客胜好过。头号射手未伤愈艾拉维斯喺复...
艾拉维斯残阵遇皇苏等劏
周五凌晨西甲头场对决，艾拉维斯地头出击迎战皇家苏斯达。艾拉维斯阵中多位主力缺阵，抢分能力冇保证，呢场对住要力保前4席位嘅皇苏，难逃输波命运，捧客胜好过。
头号射手未伤愈
艾拉维斯喺复赛后首战就输波，淨吞护级分子爱斯宾奴2蛋，依家排喺第15位，绝对唔可以掉以轻心。今仗艾拉维斯前锋祖斯卢辛马田坐完波监复出，弊在佢嘅好拍档卢卡斯佩雷斯就冇咁好彩，未必赶得切痊愈，今季佢哋29个联赛入波中，有超过三分一係同呢位头号射手有关，加上队长文奴加西亚倦勤，主力门将费兰度柏捷高又要停赛，必定大大削弱球队整体实力。
相反皇苏阵容齐整好多，除咗今季大放异彩嘅皇马借将马田奥迪加特有望继续披甲之外，奥耶沙巴尔、阿历山大伊沙克、韦利安荷西同朴图等进攻好手都随时候命，皇苏有足够本钱撕破对手防线。加上两队近5次联赛交手，皇苏有4次都赢到波，包括今季联赛碰头以3比0轻取对手，呢场皇苏有望再下一城，客胜值得留意。
