推荐预测：作客醒神基达菲上盘抵玩

作客醒神基达菲上盘抵玩

基达菲射手 安祖路尔斯

西甲重开今晚续演两场赛事，头场先有CF格兰纳达主场斗基达菲；CF格兰纳达今季主场成绩唔错，不过赛事改为闭门举行增添变数，而且佢哋位列中游冇降班威胁，抢分决心唔及仲有机会争踢欧联嘅基达菲；基达菲停摆前4场联赛作客赢3场，小让平半捧上盘。

格兰纳达踢风流波

CF格兰纳达今季13场联赛主场8胜2和3负，主场成绩排西甲第6，而且曾经赢过巴塞及打和马体会，以一支中型班嚟讲，表现绝对合格。不过参考上月德甲重开首轮9场比赛，只有1支主队能够顺利赢波，闭门作赛冇咗主场气势，对某啲球队的确造成一定影响。CF格兰纳达现排第9位，既冇降班威胁，争踢欧洲赛机会亦唔大，名副其实踢风流波，冇咗主场球迷支持打气，更难激起主队争胜决心。

基达菲上季排联赛榜第5位，失落欧联入场券，今季捲土重来依然保持水准，联赛停摆前佢哋27战得46分，唔计周五成绩，只比3哥西维尔少1分，有力再次冲击欧联参赛资格。基达菲上半季因要兼顾欧霸，本土联赛失咗唔少分，依家欧霸未重开，可以专注联赛抢分。基达菲对上4场联赛作客3胜1负，唯一输波係仅负巴塞隆拿1比2，其馀3场赢波都冇失波，让平半上盘捧得过。