推荐预测：C朗孭住祖记捱细界

C朗孭住祖记捱细界

祖记球王 C朗

队友未弗A米唔易砌

C朗强势回归！喺意甲下周重开之前，先有意大利盃4强同决赛做「热身」，今晚上演首场4强次回合，有C朗助阵嘅祖云达斯主场迎战AC米兰。首回合打和1比1，鑑于今仗係两军自停摆后首场正式赛事，状态唔慌托弗，AC更有「瑞典神箭」伊巴谦莫域因伤倦勤，作客一定小心为上，加上近年碰头少入波，宁捧2.5球嘅入球细。

由于受新冠肺炎疫情影响，停摆咗3个月嘅意甲，将会喺下周末重开，而今个周末先安排两场意盃4强次回合，嚟紧周中即上演埋决赛，赛程非常紧凑。祖记王牌C朗一向勤力，唔单止抗疫期间喺屋企Keep住做运动，球队复操后，佢仲提早4粒钟去到训练场进行个人训练，非常饿波。不过前锋拍档保罗戴巴拿曾经4次肺炎检测呈阳性，虽然依家已经好番，但佢坦言体能同状态未完全恢复，今仗未必出得，另一阿根廷射手希古恩更告身形暴胀，似乎仲需要时间操弗。

近5次对赛4开2球或以下

AC亦唔好得几多，季中加盟立即激活球队进攻嘅伊巴谦莫域，仍有伤在身肯定缺阵，需知道有咗伊巴做核心，令查汉奴古、列比锡等翻生，可惜呢位「瑞典神箭」今仗倦勤，随时令前线群龙无首，攻力受削弱，加上作客更加唔敢轻举妄动。睇番首回合战情胶着，AC于易边后先由列比锡打开纪录，直至完场前祖记先博到12码，由C朗操刀扳平，依家佢哋手执1个作客入球，今仗互交白卷都可晋级，毋须急于进攻。何况两军近5次碰头，有4次开2球或以下，今仗係双方自停摆后首场正式赛事，状态有待提升，中位数2.5球嘅细盘乃不二之选。